రియాద్‌: సౌదీ అరేబియా అన్ని డొమెస్టిక్‌ విమానాలు, బస్‌లు, ట్యాక్సీలు అలాగే రైళ్ళను 14 రోజుల పాటు బంద్‌ చేస్తూ నిర్ణయం తీసుకుంది. శుక్రవారం నుంచి ఈ బంద్‌ అమల్లోకి వస్తుంది. కరోనా వైరస్‌ వ్యాప్తిని అరికట్టే క్రమంలో సౌదీ ఈ నిర్ణయం తీసుకున్నట్లు సౌదీ ప్రభుత్వం ప్రకటించింది. మెడికల్‌ ఎవాక్యుయేషన్‌ వంటి ప్రత్యేక పరిస్థితుల్లో మాత్రమే ఎయిర్‌ క్రాఫ్ట్‌లు, ప్రైవేట్‌ ఏవియేషన్‌ అందుబాటులలో వుంటాయి. పబ్లిక్‌ లేదా ప్రైవేట్‌ హెల్త్‌ ఫెసిలిటీస్‌కి చెందిన వాహనాలు, ఉద్యోగుల్ని తరలించే వాహనాలు, హెల్త్‌ అలాగే సెక్యూరిటీ సంబంధిత తరలింపుల కోసం వినియోగించే వాహనాలకు ఈ బంద్‌ నుంచి మినహాయింపునిచ్చారు.