దేశ అవసరాలకు సరిపడినంత కూరగాయల, ఆహార పదార్ధాలు సిద్ధంగా ఉన్నాయని బహ్రెయిన్ ప్రకటించింది. రెండు కార్గో విమానాల్లో టన్నుల కొద్ది కూరగాయలు, పండ్లు ఇప్పటికే బహ్రెయిన్ కు చేరాయని అధికారులు ప్రకటించారు. అంతేకాదు..మరో వారంలో నెదర్లాండ్స్ నుంచి షిప్పుల్లో మరిన్ని ఆహార పదార్దాలు వస్తున్నాయని స్పష్టం చేశారు. మరో ఆరు నెలల వరకు దేశ అవసరాలకు తగినంతగా ఆహార నిల్వలు ఉన్నాయని, ఎవరు ఆందోళన చెందాల్సిన అవసరం లేదని వివరించారు. జోర్డాన్ కూడా కూరగాయలు, పండ్ల ఎగుమతిపై విధించిన నిషేధాన్ని ఎత్తివేయటం శుభపరిణామమని అన్నారు.