రియాద్‌: రెసిడెంట్‌ ఐడీ కార్డులున్న వలసదారులకు సౌదీ అరేబియాలో ఊరట. 3 నెలలపాటు ఉచితంగా వారికి పొడిగింపు లభించనుంది. ఆటోమేటిక్‌గా ఈ పొడిగింపు లభిస్తుందని జనరల్‌ డైరెక్టరేట్‌ ఆఫ్‌ పాస్‌పోర్ట్స్‌ వెల్లడించింది. మార్చి 18 లేదా ఆ తర్వాత గడువు తీరిపోయే ప్రైవేట్‌ సెక్టార్‌ వర్కర్స్‌, మూడు నెలల పాటు అదనపు సమయాన్ని పొందుతారని పేర్కొన్న జనరల్‌ డైరెక్టరేట్‌ ఆఫ్‌ పాస్‌పోర్ట్స్‌, ఈ మేరకు అందరికీ సమాచారాన్ని పంపినట్లు తెలిపింది. కరోనా వైరస్‌ నేపథ్యంలో తలెత్తిన సంక్షోభం కారణంగా ప్రభుత్వం ఈ నిర్ణయం తీసుకున్నట్లు అధికారులు తెలిపారు.