రోడ్లపై చిన్న చెత్త కాగితాన్ని వేసినా 500 దిర్హామ్‌ల ఫైన్‌ కట్టవలసి రావొచ్చు. పబ్లిక్‌ రోడ్‌, పార్క్‌, బీచ్‌ లేదా పర్యాటక ప్రాంతంలో ఎక్కడైనా చెత్త పడేస్తే కఠినంగా చర్యలు తీసుకుంటున్నారు. రస్‌ అల్‌ ఖైమాలో ఈ నిబంధనను కఠినంగా అమలు చేస్తున్నారు. నిబంధనల్ని ఉల్లంఘించిన 5,008 మందికి గత ఏడాదిలో ఒక్కొక్కరికి 500 దిర్హామ్‌ల ఫైన్‌ విధించడం జరిగింది. ఇందులో 4,265 మంది వాహన చోదకులున్నారు. 2015లో 2,132,500 దిర్హామ్‌లను ఫైన్‌ రూపంలో నిబంధనలు ఉల్లంఘించినవారి నుంచి వసూలు చేశారు. 2014తో పోల్చితే 150 శాతం నిబంధనల ఉల్లంఘన పెరిగినట్లు అధికారులు వెల్లడించారు.