షార్జాలోని కార్మికులు ఇతర ఎమిరాతిస్ కు వెళ్లకుండా నియంత్రణ చర్యలు చేపట్టింది. కార్మికుల కదలికలపై ఆంక్షలు విధిస్తూ షార్జా ఆర్ధికాభివృద్ధి డిపార్ట్మెంట్ కొత్త సర్క్యూలర్ జారీ చేసింది. ఈ ఉత్తర్వుల మేరకు ఇక నుంచి కార్మికులు షార్జా దాటి బయటికి వెళ్లటానికి వీలు లేదు. కరోనా వైరస్ వ్యాప్తి నియంత్రణలో భాగంగా ఈ నిర్ణయం తీసుకున్నట్లు షార్జా ఆర్ధికాభివృద్ధి డిపార్ట్మెంట్ ఛైర్మన్ వెల్లడించారు. కార్మికులు, షార్జా పౌరుల ఆరోగ్య భద్రత తమ లక్ష్యమని వివరించారు. ఒక వేళ ఎవరైనా నిబంధనలను ఖాతరు చేయకుంటే వారిపై జరిమానా విధిస్తామని కూడా చైర్మన్ హెచ్చరించారు. అయితే..క్లీనింగ్, ఆహార సరఫరా, ప్రైవేట్ సెక్యూరిటీ రంగాల్లోని పని చేసే కార్మికులకు మాత్రం మినహాయింపు ఇచ్చారు. అలాగే కార్మికులు తరలించే సమయంలో రవాణ వాహనంలోని సామార్ధ్యానికి సగానికి మాత్రమే కార్మికులను తీసుకువెళ్లాల్సి ఉంటుంది. కార్మికులు తప్పసరిగా మాస్కులు ధరించటంతో పాటు సామాజిక దూరాన్ని పాటించాలని కూడా షార్జా ఆర్ధికాభివృద్ధి డిపార్ట్మెంట్ సూచించింది.