ఎతిహాద్‌ రైల్‌ స్టేజ్‌ 2 టెండర్‌ ప్రాసెస్‌ని సస్పెండ్‌ చేశారు. దీనికి సంబంధించి బిడ్డర్స్‌ అందరికీ రాతపూర్వకంగా సమాచారం అందించడం జరిగిందని యూఏఈ నేషనల్‌ రైల్‌ నెట్‌వర్క్‌ డెవలపర్‌ మరియు ఆపరేటర్‌ వెల్లడించారు. గ్వెయిఫాత్‌ వద్ద సౌదీ బోర్డర్‌ నుంచి అల్‌ ఎయిన్‌ వద్ద ఒమన్‌ బోర్డర్‌ వరకూ కనెక్ట్‌ చేసే రైల్‌ నెట్‌వర్క్‌లో భాగంగా ఎతిహాద్‌ రైల్‌ స్టేజ్‌ 2ను ప్లాన్‌ చేశారు. ముసాఫా, ఖలీఫా పోర్ట్‌ జెబెల్‌ అలీ పోర్ట్‌లను కలిపేలా ఉంటుంది ఈ ప్రాజెక్ట్‌. ఎతిహాద్‌ రైల్‌ ఇప్పటికే స్టేజ్‌ వన్‌ రైల్‌ నెట్‌వర్క్‌ని ప్రారంభించింది. 4 మిలియన్‌ టన్నుల సల్ఫర్‌ షా అండ్‌ హబ్సన్‌ నుంచి రువాయిస్‌ పోర్ట్‌ వరకు అబుదాబీ నేషనల్‌ ఆయిల్‌ కంపెనీ కోసం సరఫరా చేయడం జరిగింది. పూర్తిస్థాయిలో కమర్షియల్‌ కెపాసిటీని రీచ్‌ అయితే ఏడు మిలియన్‌ టన్నుల సల్ఫర్‌ని ప్రతి సంవత్సరం సరఫరా చేయగలుగుతుంది. మొత్తం మూడు స్టేజ్‌లలో ఎతిహాద్‌ రైల్‌ నెట్‌వర్క్‌ని ప్లాన్‌ చేశారు. ఇది జిసిఇ రైల్వే నెట్‌వర్క్‌తో అనుసంధానం చేయవలసి ఉంది.