మినిస్ట్రీ ఆఫ్‌ ఎకానమీ మరియు కామర్స్‌, మూడు షాపింగ్‌ ఔట్‌లెట్స్‌కి గతంలో ఇచ్చిన డిస్కౌంట్‌ పర్మిట్స్‌ని రద్దు చేసింది, అలాగే 5,000 ఖతారీ రియాల్స్‌ ఫైన్స్‌ కూడా విధించింది. కన్స్యుమర్‌ ప్రొటెక్షన్‌ చట్టం ప్రకారం నిబంధనల్ని ఉల్లంఘించినట్లు గుర్తించిన మినిస్ట్రీ, ఈ చర్యలు తీసుకుంది. డిస్కౌంట్‌, నాన్‌ డిస్కౌంట్‌ ఐటమ్స్‌కి సంబంధించి ప్రైస్‌ ట్యాగ్‌ని ప్రత్యేకంగా చూపించడంలో ఆ మూడు ఔట్‌లెట్స్‌ విఫలమయ్యాయి. ప్రమోషన్స్‌ సందర్భంగా వినియోగదారులు ధరల విషయాన్ని క్షుణ్ణంగా పరిశీలించాలని మంత్రిత్వ శాఖ సూచించింది. వరుసగా నిర్వహించిన తనిఖీల్లో 14 ఔట్‌లెట్స్‌పై మినిస్ట్రీ అధికారులు చర్యలు తీసుకున్నారు. వాస్తవ ధరల కంటే అధికంగా విక్రయిస్తున్న ఔట్‌లెట్స్‌పైనా ఫైన్స్‌ విధించడం జరిగింది.