రియాద్‌: వలసదారుడొకర్ని దూషించిన కేసులో సౌదీ పౌరుడ్ని అరెస్ట్‌ చేయాలంటూ పబ్లిక్‌ ప్రాసిక్యూషన్‌ ఆదేశాలు జారీ చేసింది. సోషల్‌ మీడియాలో సర్క్యులేట్‌ అవుతున్న ఓ వీడియోను ఫోరెన్సిక్‌ విభాగం పరిశీలించింది. అరబ్‌ మాట్లాడలేని ఓ వ్యక్తిని ఉద్దేశించి నిందితుడు దూషణలకు దిగినట్లు ఆ వీడియో స్పష్టం చేస్తోంది. ఇలాంటి చర్యల్ని క్షమించేది లేదని, ప్రతి ఒక్కరూ నిబంధనలకు అనుగుణంగా వ్యవహరించాలనీ, వ్యక్తిగత స్వేచ్ఛకు సంబంధించిన పరిమితులు అతిక్రమించరాదని అధికార వర్గాలు హెచ్చరిస్తున్నాయి.