యూఏఈ మినిస్ట్రీ ఆఫ్‌ హెల్త్‌ అండ్‌ ప్రివెన్షన్‌, మాల్స్‌ మరియు మార్కెట్స్‌ మూసివేతకు సంబంధించి ప్రచారంలో వున్న ప్రకటన పాతదేనని స్పష్టం చేసింది. కరోనా వైరస్‌ నేపథ్యంలో మార్చి 23న ఆ ప్రకటన జారీ చేయడం జరిగిందనీ, ప్రస్తుతం కొన్ని వెసులుబాట్లతో మార్కెట్లు, మాల్స్‌ తిరిగి సేవలు అందిస్తున్నాయనీ, వీటికి ఎలాంటి ఇబ్బందులూ లేవని మినిస్ట్రీ పేర్కొంది. సోషల్‌ మీడియాలో సర్క్యులేట్‌ అవుతున్న పాత ప్రకటనను కొత్త ప్రకటనగా పొరపడవద్దని మినిస్ట్రీ సూచించింది. ప్రభుత్వం తరఫున అధికారిక సోషల్‌ మీడియా హ్యాండిల్స్‌ ద్వారా ఎప్పటికప్పుడు తాజా సమాచారం తెలుసుకోవచ్చని పౌరులు, నివాసితులకు అధికార యంత్రాంగం విజ్ఞప్తి చేస్తోంది.