రియాద్‌: సౌదీ డాక్టర్‌ ఒకరు, కరోనా వైరస్‌పై పోరాటంలో చిత్తశుద్ధితో పోరాటం చేస్తున్నారు. అయితే, దురదృష్టవశాత్తూ ఆయన కరోనా వైరస్‌ బారిన పడ్డారు. ఆయనతోపాటు ఆయన కుటుంబ సభ్యులందరికీ కరోనా వైరస్‌ సోకింది. ‘నా ద్వారా నా కుటుంబ సభ్యులకు కరోనా వైరస్‌ సోకుతుందని కలలో కూడా ఊహించలేదు. దేవుడా, వాళ్ళందర్నీ రక్షించు..’ అంటూ సదరు డాక్టర్‌, కొన్ని ఫొటోల్ని సోషల్‌  మీడియాలో షేర్‌ చేశారు. ఇప్పుడు ఈ డాక్టర్‌ వ్యవహారం సర్వత్రా చర్చనీయాంశమయ్యింది. డాక్టర్‌ ఒమర్‌ హఫీజ్‌ ఆయన కుటుంబం త్వరగా కోలుకోవాలని పలువురు నెటిజన్లు ఆకాంక్షిస్తున్నారు. సౌదీ మినిస్టర్‌ ఆఫ్‌ హెల్త్‌ డాక్టర్‌ తవ్‌ఫిక్‌ అల్‌ రబియా మాట్లాడుతూ, హఫీజ్‌ ఆయన కుటుంబ సభ్యులు త్వరగా కోలుకోవాలని ఆకాంక్షించారు.