దుబాయ్:లాక్ డౌన్ బోర్‌ ఫీలవుతున్న దుబాయ్ లైఫ్ స్టైల్ లో ఓ సర్‌ ప్రైజ్‌ . దుబాయ్‌ మాల్‌ ఫౌంటేన్‌ లో డాల్ఫిన్  విన్యాసాలకు నెటిజన్లు ఫిదా అయిపోయారు. కేవలం 10 సెకన్ల నిడివి ఉన్న ఈ వీడియోను దుబాయ్‌ మాల్‌ ప్రాపర్టీ డెవలపర్‌ ఎమార్‌ రిలీజ్‌ చేసింది. 'దేని కోసం మీ ఎదురుచూపులు..దుబాయ్‌ మాల్ మరిన్ని సర్‌ ప్రైజ్‌ లతో సిద్ధంగా ఉంది' అనే క్వాప్షన్ తో వీడియో షేర్ చేశారు. అయితే..వీడియోను షేర్ చేసిన గంటలోనే వైరల్ గా మారిపోయింది. ఏకంగా 40 వేల క్లిక్స్ వచ్చాయి. లాక్ డౌన్ దుబాయ్ ని మిస్ అవుతున్న జనాలు నెట్ లో ఈ వీడియోను చూసి వారి అభిప్రాయాలు వ్యక్తం చేస్తున్నారు. దుబాయ్ ని మిస్ అవుతున్నాను..ఏదో రోజు నేని తిరిగి వచ్చేస్తాను అంటూ ఒక నెటిజన్ తన భావోద్వేగాన్ని పంచుకున్నాడు. అయితే..చిన్న పిల్లలు కూడా వస్తారు కనుక..తిమింగలం  లాంటివి ఫౌంటేన్ లో ఉంచటం మంచిది కాదంటూ మరో నెటిజన్ తన అభిప్రాయాన్ని షేర్ చేసుకున్నాడు. ఏదేమైనా ఈ 10 సెకన్ల వీడియో దుబాయ్ లవర్స్ కు కాస్తంతా రిలీఫ్ ఇస్తోంది.

--బాలాజీ(మాగల్ఫ్ ప్రతినిధి,దుబాయ్)