సౌదీ మసీదుపై దాడిలో మృతి చెందినవారి కుటుంబాలకు ప్రగాఢ సానుభూతిని తెలిపింది యూఏఈ. తీవ్రవాదానికి వ్యతిరేకంగా జరిగే పోరాటంలో యూఏఈ మద్దతు ఎప్పుడూ ఉంటుందని యూఏఈ అధికారికవర్గాలు వెల్లడించాయి. విదేశీ వ్యవహారాల మంత్రిత్వ శాఖ ఈ మేరకు ఓ ప్రకటన విడుదల చేసింది. తీవ్రవాద దాడులు అత్యంత హేయమనీ, పిరికితనంతో కూడిన ఇలాంటి చర్యలు సమర్థనీయం కావని యూఏఈ చెప్పింది. అంతర్జాతీయ సమాజం ఒక్కతాటిపైకి వచ్చి తీవ్రవాదాన్ని ఎదుర్కోవలసి ఉందని సంఘీభావ ప్రకటనలో పేర్కొంది యూఏఈ విదేశీ వ్యవహారాల మంత్రిత్వ శాఖ. సౌదీ ప్రభుత్వానికీ, బాధిత కుటుంబాలకు సంఘీభావం ప్రకటించింది యూఏఈ.