మస్కట్:ఒమన్ లో కరోనా కేసులు మళ్లీ పెరుగుతున్నాయి. కరోనా వైరస్ సోకి నిన్న ఒక్క రోజే ఏడుగురు పేషెంట్లు మృతి చెందినట్లు ఒమన్ ఆరోగ్యా శాఖ మంత్రి డాక్టర్ అహ్మద్ అల్ సైది వెల్లడించారు. ఇందులో ఐదుగురు ఆస్పత్రి వెలుపల చనిపోయారు. మిగిలిన ఇద్దరు ఆస్పత్రిలో చికిత్స పొందుతూ మృతి చెందారని ఆయన తెలిపారు. అయితే..ఈ ఏడుగురు మృతితో ఇప్పటివరకు కరోనా కారణంగా చనిపోయిన వారి సంఖ్య 49కి పెరిగింది. ప్రస్తుతం 199 మంది పేషెంట్లు ఆస్పత్రిలో చికిత్స పొందుతున్నట్లు మంత్రి తెలిపారు. నిన్న ఒక్క రోజే 3,171 మందికి కరోనా టెస్టులు నిర్వహించామని..ఇప్పటివరకు లక్ష మందికి కరోనా నిర్ధారణ పరీక్షలు నిర్వహించామని అన్నారు. అయితే..ఇటీవల కరోనా కేసులు పెరిగాయని..ఈద్ సంబరాల్లో జనం గుమిగూడటం ఇందుకు కారణం అని ఆయన అభిప్రాయపడ్డారు.