దుబాయ్:పబ్లిక్ ప్రదేశాల్లో ఉన్నప్పుడు మాస్కులు ధరించటంపై దుబాయ్ సుప్రీం కమిటీ కొత్త మార్గనిర్దేశకాలను జారీ చేసింది. మాస్కులపై ఉన్న ఖచ్చితమైన నిబంధనల నుంచి కొన్ని వర్గాలకు మినహాయింపు ఇచ్చింది. చిన్నపిల్లలు, శ్వాస సంబంధిత ఇబ్బందులు ఉన్నవారు పబ్లిక్ ప్రదేశాల్లోనూ మాస్కులు ధరించాల్సిన అవసరం లేదని కమిటీ ప్రకటించింది. అలాగే ప్రయాణాల్లో ఉన్న వారికి కూడా కొన్ని మినహాయింపులు ఇచ్చింది. ఒక్కరే డ్రైవ్ చేసుకుంటూ వెళ్లే సమయంలో తాత్కాలికంగా మస్కులను తీసివేయవచ్చు. వ్యక్తిగత వాహనాల్లో కుటుంబసభ్యులతో ప్రయాణం చేసే సమయంలోనూ తాత్కాలికంగా మాస్కులు తీసివేయవచ్చు. ఎక్సర్ సైజ్ చేసే సమయంలో, అనారోగ్య కారణాలతో చికిత్స పొందుతున్న వారు కూడా మాస్కులు ధరించాల్సిన అవసరం లేదని దుబాయ్ సుప్రీం కమిటీ స్పష్టం చేసింది. 

--బాలాజీ(మాగల్ఫ్ ప్రతినిధి,దుబాయ్)