కువైట్:కరోనా తీవ్రత ఎక్కువగా ప్రాంతాల్లో లాక్ డౌన్ నిబంధనలను మరింత కఠిన తరం చేస్తోంది కువైట్ ప్రభుత్వం. వైరస్ ప్రభావం ఎక్కువగా ఉన్న ఖైతాన్ లో మే 31 నుంచి పూర్తి లాక్ డౌన్ జోన్ గా ప్రకటించింది. ఆంక్షలను పకడ్బందీగా అమలు చేసేందుకు నేషనల్ గార్డ్స్ ను బరిలోకి దింపింది. ఖైతాన్ ను పూర్తిగా దిగ్బంధం చేస్తున్న నేషనల్ గార్డ్స్ నగరం చుట్టూ 18 తనఖీ కేంద్రాలను ఏర్పాటు చేశాయి. ఖైతాన్ పరిధిలోకి ఎవరూ రాకుండా జాగ్రత్తలు తీసుకుంటున్నారు. అలాగే నగరం నుంచి ఎవరికి ఇతర ప్రాంతాలకు వెళ్లనివ్వటం లేదు.