మస్కట్:ఒమన్ ఆన్ లైన్ చెల్లింపులకు ఎక్కువగా వినియోగించే ఒమన్ నెట్ లో సాంకేతిక సమస్యలు తలెత్తాయి. గురువారం నుంచి ఒమన్ కు చెందిన ఒమన్ నెట్ ద్వారా ఎలక్ట్రానిక్ పేమెంట్ గేట్ వేలో సమస్యను గుర్తించినట్లు సమాచార, సాంకేతిక పరిజ్ఞాన మంత్రిత్వ శాఖ వెల్లడించింది. సమస్య పరిష్కారం అయ్యే వరకు ఒమన్ నెట్ వినియోగదారులు ఎవరూ ఆన్ లైన్ చెల్లింపులు చేయవద్దని మంత్రిత్వశాఖ సూచించింది. ప్రస్తుతం సాంకేతిక నిపుణులు గేట్ వేలో ఏర్పడిన సాంకేతిక సమస్యను పరిష్కరించేందుకు ప్రయత్నిస్తున్నారని తెలిపింది.