నాలుగవ అరబ్‌ ఫోరమ్‌ 'జాయెద్‌ గివింగ్‌ ఇనీషియేటివ్‌' బహ్రెయిన్‌లో మార్చ్‌ 30న ప్రారంభం కానుంది. రెండ్రోజులు జరిగే ఈ సింపోజియం, లేబర్‌ అండ్‌ సోషల్‌ డెవలప్‌మెంట్‌ మినిస్టర్‌ జమీల్‌ బిన్‌ మహమ్మద్‌ అల్‌ హుమాయిదాన్‌ నేతృత్వంలో అరబ్‌ వాలెంటరీ వర్క్‌ ఎక్స్‌పర్ట్స్‌ సమక్షంలో నిర్వహించబడుతుంది. నిర్మాణాత్మకమైన ఇలాంటి చర్యల యొక్క గొప్పతనాన్ని ఈ సందర్భంగా మినిస్టర్‌ జమీల్‌ ఉద్ఘాటించారు. యూఏఈలో కాకుండా మరో చోట ఈ కార్యక్రమం జరగడం ఇదే తొలిసారి అని ఆయన అన్నారు. జాయెద్‌ గివింగ్‌ ఇనీషియేటివ్‌ గొప్పతనాన్ని ఈ సందర్భంగా కొనియాడారాయన. అరబ్‌ సొసైటీ, సామాజిక బాధ్యతను గుర్తించి చేపడ్తున్న సామాజిక కార్యక్రమాల్ని ఆయన అభినందించారు. దివంగత షేక్‌ జాయెద్‌ బిన్‌ సల్తాన్‌ అల్‌ నహ్యాన్‌ కీర్తి ప్రతిష్టల్ని ఈ సందర్భంగా గుర్తుచేసుకున్నారు. సంస్కృతీ సంప్రదాయాలు, సేవా మార్గాల్లో చేపడ్తున్న కార్యక్రమాలు వంటివి అరబ్‌ ప్రపంచంలో బహ్రెయిన్‌ పాత్రను గుర్తుచేస్తున్నాయని అరబ్‌ సొసైటీ ఫర్‌ సోషల్‌ రెస్పాన్సిబులిటీ ఛైర్మన్‌ సుల్తాన్‌ బిన్‌ అబ్దుల్‌ రహామ్మన్‌ చెప్పారు.