కువైట్‌ సిటీ: సుప్రీం పర్మనెంట్‌ కమిటీ ఫర్‌ ది అప్లికేషన్‌ ఆఫ్‌ హెల్త్‌ రెగ్యులేషన్స్‌, మినిస్ట్రీ ఆఫ్‌ హెల్త్‌, ఇంటీరియర్‌ అండ్‌ ఫారిన్‌ ఎఫైర్స్‌ సంయుక్తంగా దేశంలోకి వచ్చే వలసదారులకు సంబంధించి స్పష్టమైన మార్గదర్శకాలు జారీ చేయడం జరిగింది. కువైట్‌కి వచ్చేవలసదారులు ఖచ్చితంగా పిసిఆర్‌ టెస్ట్‌ సర్టిఫికెట్‌ తీసుకురావాలనే నిబంధన విధించారు. దాంతోపాటుగా, కంపల్సరీ ఇన్‌స్టిట్యూషనల్‌ క్వారంటైన్‌కి సిద్ధపడాల్సి వుంటుంది. ఒకవేళ వలసదారుడు క్వారంటైన్‌కి సంబంధించి చెల్లించాల్సిన మొత్తం చెల్లించనట్లయితే, సంబంధిత స్పాన్సర్‌ నుంచి ఆ మొత్తాన్ని వసూలు చేస్తారు. నిబంధనలకు లోబడి వచ్చేవారికి, విమానాశ్రయం నుంచే సంబంధిత ఆసుపత్రులకు తరలించి వైద్య పరీక్షలు నిర్వహిస్తారు. కాగా, సంబంధిత సర్టిఫికెట్‌ లేని ప్రయాణీకుడ్ని అనుమతించిన విమానయాన సంస్థలపైనా చర్యలు తీసుకునేలా నిబంధనల్ని రూపొందిస్తున్నట్లు సంబంధిత వర్గాలు వెల్లడిస్తున్నాయి.