మస్కట్‌: విద్వేషాన్ని రగిల్చేలా సోషల్‌ మీడియాలో పోస్ట్‌లు పెట్టినందుకుగాను ఓ సిటిజన్‌కి న్యాయస్థానం మూడేళ్ళ జైలు శిక్ష విధించింది. దేశ జనాభా మధ్య విద్వేషాలు రెచ్చగొట్టేలా నిందితుడు సోషల్‌ మీడియాలో పోస్ట్‌లు పెట్టాడని పబ్లిక్‌ ప్రాసిక్యూషన్‌ ఈ సందర్భంగా పేర్కొంది. నిందితుడి ఫోన్‌ని స్వాధీనం చేసుకోవడంతోపాటు, సోషల్‌ మీడియా అకౌంటుని కూడా క్లోజ్‌ చేయాలని ప్రాసిక్యూషన్‌ ఆదేశించింది. సోషల్‌ మీడియా వేదికల సాక్షిగా జరుగుతున్న విద్వేష ప్రచారం, జుగుప్సాకరమైన వ్యాఖ్యల పట్ల ఎప్పటికప్పుడు మానిటరింగ్‌ చేస్తున్నట్లు ప్రాసిక్యూషన్‌ స్పష్టం చేసింది.