దుబాయ్ ఎమిరేట్ పరిధిలో జనన, మరణ ధృవీకరణ పత్రాల జారీలో పలు సంస్కరణలు తీసుకొచ్చింది ఆరోగ్య శాఖ. దీంతో డెత్, బర్త్ సర్టిఫికెట్ల జారీలో జాప్యం పూర్తిగా తగ్గిపోనుంది. ఆన్ లైన్ లో సత్వరమే సర్టిఫికెట్లను ఇచ్చేలా దుబాయ్ ఆరోగ్య శాఖ కొత్త మార్గనిర్దేశకాలు జారీ చేసింది. ఈ మేరకు ప్రైవేట్ ఆరోగ్య సంస్థలకు కూడా ఉత్తర్వులు జారీ చేసింది. జుమెరా లేక్స్ టవర్స్ లోని మెడికల్ ఫిట్నెస్ సెంటర్ (రెడ్ డైమండ్ బిల్డింగ్) లో ఏర్పాటు చేసిన స్మార్ట్ సర్వీస్ కేంద్రం ద్వారా ఆన్ లైన్ సేవలు అందుబాటులోకి రానున్నాయి. ఇక నుంచి జనన, మరణ ధృవీకరణ పత్రాలు కావాల్సిన వారు సంబంధిత డాక్యుమెంట్లతో దరఖాస్తు చేసుకొని వివిధ ప్రభుత్వ కేంద్రాల్లో ధృవీకరణ పత్రాలు పొందవచ్చు.