కువైట్ లోని ప్రవాసీయులకు నివాస అనుమతుల జారీ కోసం అంతర్గత వ్యవహారాల మంత్రిత్వ శాఖ ప్రత్యేకంగా వెబ్ సైట్ ప్రారంభించింది. www.moi.gov.kw వెబ్ సైట్ లో లాగిన అయి ప్రవాసీయులు తమ తాత్కాలిక నివాస అనుమతులను రెగ్యూలర్ నివాస అనుమతిగా మార్చుకోవచ్చు. కరోనా నేపథ్యంలో ఆఫీసులన్ని మూసివేయటంతో నివాస అనుమతులకు సంబంధించి అన్ని కార్యకాలాపాలు నిలిచిపోయాయి. దీంతో ప్రవాసీయులకు వెసులుబాటు కల్పించేందుకు తాత్కాలికంగా వారి నివాస అనుమతులను ఆగస్టు 31 వరకు పొడగించారు. దాదాపు 3,50,000 మంది ప్రవాసీయులకు ఇలా తాత్కాలిక అనుమతులు ఇచ్చింది కువైట్ మంత్రిత్వ శాఖ. ఇక ఇప్పుడు ఆన్ లైన్ సేవలు ప్రారంభం కావటంతో www.moi.gov.kw వెబ్ సైట్ ద్వారా రెగ్యూలర్ నివాస అనుమతులను పొందెందుకు మార్గం సులభమైంది.