రోడ్‌ ట్రాన్స్‌పోర్ట్‌ అథారిటీ, దుబాయ్‌ పోలీస్‌ జనరల్‌ హెడ్‌ క్వార్టర్స్‌ సహాయంతో ఎమ్‌ సుకెమ్‌ రోడ్‌పై వేగ నియంత్రణను పెంచింది. అల్‌ కుద్రా రోడ్‌ సెక్టార్‌ వరకు ఈ పెంపుదల అమల్లోకి వస్తుంది. ఇప్పటిదాకా ఈ రోడ్‌పై వేగ నియంత్రణ గంటకు 80 కిలోమీటర్ల దాకా ఉంది. దాన్ని గంటకు 90 కిలోమీటర్ల వేగం వరకు పెంచారు. అల్‌ కుద్రా రోడ్‌లోని మిగతా ప్రాంతానికి అంటే ఎమిరేట్స్‌ రోడ్‌ నుంచి సేహ్‌ అసలామార్‌ రౌండ్‌ ఎబౌట్‌ వరకు 100 కిలోమీటర్ల వేగం గంటకు పెంచారు. ఇది ఇప్పటివరకు గంటకు 90 కిలోమీటర్ల వేగంగా ఉంది. ఫిబ్రవరి 6 నుంచి వేగం పెంపు అమల్లోకి వస్తుంది. రోడ్లపై వేగ నియంత్రణ కోసం అధునాతన రాడార్లను అమర్చామనీ, అంతర్జాతీయ స్థాయిలో తీర్చిదిద్దిన రోడ్లు వాహనదారులకు మంచి అనుభూతినిస్తాయనీ, సేఫ్‌ జర్నీని కూడా అందిస్తాయని అధికారికవ వర్గాలు వెల్లడించాయి.