మనామా:ప్రైమరీ కేర్‌ ఫిజీషియన్‌ సోలోమన్‌ విజయ్‌కుమార్‌ కరోనా వైరస్‌తో మృతి చెందారు. బహ్రెయిన్‌లో కరోనా వైరస్‌ కారణంగా ఓ వైద్యుడు మృతి చెందడం ఇదే తొలిసారి. 14 ఏళ్ళ క్రితం కుమార్‌, అమెరికన్‌ మిషన్‌లో చేరారు. నాలుగు వారాలుగా మిలిటరీ హాస్పిటల్‌ ఇంటెన్సివ్‌ కేర్‌ యూనిట్‌లో చికిత్స పొందుతూ మృతి చెందారాయన. విజయ్‌కుమార్‌ మృతి పట్ల ఆసుపత్రి సిబ్బంది ప్రగాఢ సంతాపం తెలిపారు. డాక్టర్‌ విజయ్‌కుమార్‌ సేవలు వెలకట్టలేనివని అమెరికన్‌ మిషన్‌ హాస్పిటల్‌ డాక్టర్‌ జార్జి షెరియన్‌ చెప్పారు.