లష్కరే తొయిబా ఉగ్రవాది అబ్దుల్‌ అజీజ్‌ను లఖ్‌నవూలో ఉత్తరప్రదేశ్‌లో ఏటీఎస్‌ పోలీసులు అదుపులోకి తీసుకున్నారు. హైదరాబాద్‌కు చెందిన అజీజ్‌.... నగరంలోని రెండు కేసుల్లో నిందితుడు. గణేశ్‌ ఆలయం పేల్చివేత కుట్ర కేసులో అజీజ్‌ ప్రధాన నిందితుడు. 2003లో బెయిల్‌పై విడుదలైన అజీజ్‌ సౌదీకి పారిపోయాడు. సౌదీ ప్రభుత్వ వెనక్కి పంపడంతో తిరిగి లఖ్‌నవూ చేరుకున్న అజీజ్‌ను ఏటీఎస్‌ అధికారులు అరెస్టు చేశారు. ప్రస్తుతం అజీజ్‌ను లఖ్‌నవూలో తెలంగాణ పోలీసులు ప్రశిస్తున్నట్లు సమాచారం.