దుబాయ్‌ పోలీస్‌ జనరల్‌ హెచ్‌క్యు మరియు రోడ్స్‌ అండ్‌ ట్రాన్స్‌పోర్ట్‌ డిపార్ట్‌మెంట్‌ వెల్లడించిన వివరాల ప్రకారం, దుబాయ్‌లోని ప్రముఖ రోడ్లపై 2.5 టన్నుల కంటే ఎక్కువ టేర్‌ వెయిట్‌ వున్న వాహనాల మూమెంట్‌పై బ్యాన్‌ విధించినట్లు తెలుస్తోంది. శనివారం నుంచి ఈ బ్యాన్‌ అమల్లోకి వస్తుంది. అల్‌ ఇత్తిహాద్‌ మరియు షేక్‌ జాయెద్‌ రోడ్లపై ఈ నిబంధనలు వర్తిస్తాయి. షేక్‌ రషీద్‌ స్ట్రీట్‌ అలాగే డౌన్‌టౌన్‌ డేరా / బుర్‌ దుబాయ్‌ రోడ్లపైనా ఉదయం 6 గంటల నుంచి రాత్రి 10 గంటల వరకు హెవీ ట్రక్స్‌ మూమెంట్‌పై బ్యాన్‌ వుంటుంది. పార్షియల్‌ బ్యాన్‌ దుబాయ్‌లోని మిగతా రోడ్లపై పీక్‌ టైంస్లో వుంటుంది. అంటే ఉదయం 6.30 నిమిషాల నుంచి 8.30 నిమిషాల వరకు అలాగే మధ్యాహ్నం 1 గంటల నుంచి 3 గంటల వరకు అలాగే సాయంత్రం 5.30 నిమిషాల నుంచి రాత్రి 8 గంటల వరకు.ఎయిర్‌ పోర్ట్‌ మరియు షిందగా టన్నెల్స్‌, అల్‌ మక్తుం మరియు ఫ్లోటింగ్‌ బ్రిడ్జిలపైనా బిజినెస్‌ బే క్రాసింగ్‌పైనా పూర్తి బ్యాన్‌ కొనసాగుతుంది.