టాలెంటెడ్ క్యారెక్టర్ యాక్టర్ ప్రకాష్ రాజ్ సంతోషంలో మునిగితేలుతున్నాడు. ఎందుకంటే 50 ఏళ్ల వయసులో ఆయన మళ్లీ తండ్రియ్యాడు. ఈ విషయాన్ని ఆయనే స్వయంగా సోషల్ మీడియాలో అభిమానులతో పంచుకున్నాడు. తమకు బాబు పుట్టాడని.. తమ జీవితాల్లో ఆనందకరమైన ఈ క్షణాలను మీతో పంచుకోవాలను కుంటున్నామంటూ ట్విట్టర్ లో ఈ శుభవార్తను అందించాడు. భార్య పోనీ, తాను చాలా సంతోషంగా ఉన్నామన్నామని తెలిపాడు. తమ బిడ్డను ఆశీర్వదించండి అంటూ ట్విట్ చేశాడు. దీంతో సినీరంగానికి చెందిన ప్రముఖులు, ఇతర సెలబ్రిటీలు ప్రకాష్ రాజ్ దంపతులను అభినందలనతో ముంచెత్తారు.మొదటి భార్య లలితతో విడిపోయిన అనంతరం పోనీ వర్మను ప్రకాష్ రాజ్ పెళ్లిచేసుకున్నాడు. లలిత, ప్రకాష్ రాజ్ దంపతులకు ఇద్దరు కూతుళ్లు ఉన్నారు. అయితే 2004లో గాలిపటం ప్రమాదంలో అయిదేళ్ల కొడుకును పోగొట్టుకోవడం రాజ్ జీవితంలో పెద్ద విషాదంగా మిగిలింది. ఇపుడు ఈ బాబు రూపంలో మళ్లీ ఆయన జీవితంలో కొత్త సంతోషాలను మోసుకొచ్చాడనే చెప్పాలి.