బాలీవుడ్‌ దిగ్గజం అమితాబ్‌ బచ్చన్‌ జీవిత సాఫల్య పురస్కారం అందుకున్నారు. దిల్లీలో జరిగిన ఎన్డీటీవీ ఇండియన్‌ ఆఫ్‌ ది ఇయర్‌ అవార్డ్స్‌ కార్యక్రమంలో బిగ్‌బీకి ఈ పురస్కారం ప్రదానం చేశారు. ఈ సందర్భంగా ఆయన మీడియాతో మాట్లాడుతూ.. ఈ వయసులో కూడా విభిన్న పాత్రలు చేయగలుగుతున్నందుకు ఎంతో సంతోషంగా ఉందని, ఐదు తరాల నటీనటులతో నటించడం అదృష్టంగా భావిస్తున్నట్లు చెప్పారు. ఇప్పటివరకు చేసిన ప్రతి సినిమా నుంచి ఎన్నో కొత్త విషయాలు నేర్చుకున్నానని తెలిపారు. ఈ కార్యక్రమానికి అమితాబ్‌ ఆయన కుటుంబ సభ్యులు జయా బచ్చన్‌, శ్వేతా పండిట్‌, అభిషేక్‌ బచ్చన్‌లతో కలిసి హాజరయ్యారు. ప్రస్తుతం అమితాబ్‌ నవాజుద్దీన్‌ సిద్దిఖి, విద్యా బాలన్‌తో కలిసి తీన్‌ సినిమాలో నటిస్తున్నారు.