మనామా:జాతీయ రహదారి అభివృద్ధి పనుల్లో భాగంగా కింగ్ హమద్ జాతీయ రహదారిలో రైట్ లేన్ ను మూసివేయనున్నారు. ఈ రోజు నుంచి మరో రెండు నెలల పాటు హైవేపై దక్షిణ దిశలో ఎలాంటి వాహనాలను అనుమతించరు. ఈ మేరకు నగర ప్రణాళిక, పురపాలక వ్యవహారాల మంత్రిత్వ శాఖ, ట్రాఫిక్ డైరెక్టరేట్ జనరల్ ఓ ప్రకటన విడుదల చేసింది. హైవే 96, హవర్ హైవే మధ్య అభివృద్ధి పనులు జరుగుతున్నందున కింగ్ హమద్ హైవేపై కుడి లేన్ మూసివేస్తున్నామని, అయితే..మిగిలిన రెండు లేన్లలో వాహనాల రాకపోకలు కొనసాగించవచ్చని తెలిపింది. మరో రెండు నెలలు వాహనాలపై నిషేధం ఉండటంతో వాహనదారులు ఈ విషయాన్నిగమనించాలని కోరింది.