తిరువనంతపురం:కేరళ గోల్డ్‌ స్మగ్లింగ్‌ కేసుకి సంబంధించి కస్టమ్స్ అధికారులు మరో ఇద్దరిని అరస్ట్‌ చేయడం జరిగింది. అరెస్టయిన ఇద్దరిలో ఒకరు ముహమ్మద్‌ అన్వర్‌ కాగా మరొకరు సైదల్వి.. ఈ ఇద్దరూ కేరళలోని మల్లపురం జిల్లాకి చెందినవారు. ఈ కేసుకి సంబంధించి తిరువనంతపురంలో పెద్దయెత్తున సోదాలు జరిగాయి. కేరళ స్టేట్‌ ఐటీ ఇన్‌ఫ్రాస్ట్రక్చర్‌ లిమిటెడ్‌ వద్ద ఐటీ డిపార్ట్‌మెంట్‌ పర్యవేక్షణలో సోదాలు జరిగాయి. స్వప్నా సురేష్‌ ఇక్కడే పనిచేసేవారు. కేసు వివరాల్లోకి వెళితే, డిప్లమాటిక్‌ బ్యాగేజీ రూపంలో 30 కిలోల గోల్డ్‌ స్మగుల్‌ అయ్యింది. దీని విలువ 14.82 కోట్లుగా తేల్చారు. నేషనల్‌ ఇన్వెస్టిగేషన్‌ ఏజెన్సీ, ఈ మేరకు ఎఫ్‌ఐఆర్‌ని రిజిస్టర్‌ చేసింది.