కువైట్ సిటీ:పూర్తిస్థాయి వైద్యం కోసం కువైట్ అమీర్ షేక్ సబా అల్-అహ్మద్ అల్-జబెర్ అల్-సబా ఇవాళ అమెరికా వెళ్లారు. 91 ఏళ్ల అమీర్ కొద్ది రోజులుగా అనారోగ్యంతో బాధపడుతున్న విషయం తెలిసిందే. చికిత్స కోసం గత ఆదివారం ఆస్పత్రిలో చేరిన ఆయనకు సక్సెస్ ఫుల్ గా ఆపరేషన్ కూడా నిర్వహించారు. అయితే..మెరుగైన వైద్యం కోసం డాక్టర్ల సూచనతో ఇవాళ తెల్లవారుజామున అమీర్ అమెరికా వెళ్లినట్లు అమీరి దివానం వ్యవహారాల మంత్రిత్వ శాఖ వెల్లడించింది. దేవుడి దయతో ఆయన తర్వగా కోలుకొని పూర్తి ఆరోగ్యంతో తిరిగిరావాలని మంత్రిత్వ శాఖ ప్రార్ధించింది.