కువైట్ సిటీ‌: కువైట్‌లో 60 ఏళ్ళ పైబడిన వలసదారుల విషయంలో సందిగ్ధత నెలకొంది. సుమారు 70,000 మంది వలస కార్మికులు, కరోనా వైరస్‌ నేపథ్యంలో వివిధ దేశాల్లో చిక్కుకుపోయారు. వారికి ముందుగా వున్న రెసిడెన్సీ వీసాలకు అనుగుణంగా వారిని కువైట్‌లోకి రానిచ్చేందుకు చర్యలు చేపట్టాలనే విషయమై ఇంకా ఎలాంటి నిర్ణయం తీసుకోలేదు. అయితే, 60 ఏళ్ళ పైబడిన వారి విషయంలో ఎలా నిర్ణయం తీసుకోవాలన్నదానిపై అధికారిక వర్గాల్లో సందిగ్ధత నెలకొంది. వర్క్‌ ఫోర్స్‌లో కువైటీల భాగస్వామ్యం పెంచే క్రమంలో కీలక నిర్ణయాలు తీసుకుంటోన్న విషయం విదితమే. ఈ నేపథ్యంలో వలసదారుల వర్క్‌ ఫోర్స్‌ని తగ్గించేందుకు చర్యలు చేపట్టారు.