రియాద్‌: రియాద్‌ పోలీసులు, అక్రమంగా పెద్ద మొత్తంలో డబ్బుని ట్రాన్స్‌ఫర్‌ చేస్తుండగా అరెస్ట్‌ చేయడం జరిగింది. రియాద్‌ పోలీస్‌ అసిస్టెంట్‌ మీడియా స్పోక్స్‌ పర్సన్‌ మేజర్‌ ఖాలెద్‌ అల్‌ క్రెడిస్‌ ఈ విషయాన్ని వెల్లడించారు. అరెస్టయినవారిలో ఐదుగురు సుడాన్‌ జాతీయులు, ముగ్గురు పౌరులు వున్నారు. నిందితులపై పలు సెక్షన్ల కింద కేసులు నమోదు చేశారు. నిందితులు 500 మిలియన్‌ సౌదీ రియాల్స్‌ని ట్రాన్స్‌ఫర్‌ చేసినట్లు గుర్తించారు. కాగా, నిందితులు ఇంకా పెద్ద మొత్తాన్ని ట్రాన్స్‌ఫర్‌ చేసేందుకు యత్నిస్తున్నట్లుగా పోలీసులు అనుమానిస్తున్నారు. నిందితులపై చట్టపరమైన చర్యలు తీసుకుంటామని అధికారులు పేర్కొన్నారు.