దుబాయ్‌ స్మార్ట్‌ గవర్నమెంట్‌ (డిఎస్‌జి) ఏప్రిల్‌ 27న ప్రారంభించిన ‘ఎంజాబ్స్‌’ యాప్‌కి విశేషమైన స్పందన లభించింది. కేవలం మూడు వారాల్లోనే 15 వేల 700 మంది యూజర్స్‌ ఈ యాప్‌ని ఉపయోగించుకున్నారు. మొత్తం 67 వేల 740 ఆపరేషన్స్‌ ఈ యాప్‌ ద్వారా జరిగాయి. 3 వేల మంది ఈ యాప్‌లో జాబ్‌ కోసం రిజిస్ట్రేషన్‌ చేసుకున్నారు. 12 వేల 700 మంది ప్రకటితమైన ఉద్యోగాల కోసం దరఖాస్తు చేసుకున్నారు ఈ యాప్‌ ద్వారా. ఉద్యోగాల ప్రకటనల కోసం ఎదురు చూస్తున్న యువతకు ఈ యాప్‌ ఎంతో ఉపకరిస్తోంది. ఉద్యోగాల్ని ఆశిస్తున్నవారు, ఉద్యోగుల కోసం ఎదురు చూస్తున్న కంపెనీలు ఈ యాప్‌ని వేదికగా చేసుకోవడం వల్ల ‘ఉద్యోగార్జన, ఉద్యోగాల కల్పన’ కూడా ఎంతో వేగంగా జరుగుతోందని డిఎస్‌జి డైరెక్టర్‌ జనరల్‌ అహ్మద్‌ బిన్‌ హుయాయిదన్‌ చెప్పారు. ఆండ్రాయిడ్‌ వెర్షన్‌ యాప్‌ డెవలప్‌మెంట్‌ స్టేజ్‌లో ఉందని, త్వరలోనే దాన్ని అందుబాటులోకి తీసుకొస్తామని ఆయన చెప్పారు.