గూగుల్‌ సంస్థ తన డ్రైవర్‌ రహిత కారును అమెరికాలోని పలు ప్రాంతాల్లో పరీక్షించింది. తాజాగా వాషింగ్టన్‌ రాష్ట్రంలో పరీక్షలు నిర్వహించింది. యూకే రాజధాని లండన్‌ వీధుల్లో కూడా గూగుల్‌ డ్రైవర్‌ రహిత కారును పరీక్షించనున్నట్లు స్కై న్యూస్‌ వెల్లడించింది. ఇందుకు సంబంధించి గత మూడు సంవత్సరాల కాలంలో ఆరుసార్లకు పైగా లండన్‌ స్థానిక రవాణాశాఖ అధికారులు గూగుల్‌తో సంప్రదింపులు జరిపినట్లు సమచారం. అమెరికా రహదారులతో పోలిస్తే లండన్‌ వీధుల్లో రద్దీ ఎక్కువగా ఉంటుంది. ఇటువంటి పరిస్థితుల్లో పరీక్షించనున్న డ్రైవర్‌ రహిత కారు పట్ల తాము ఎంతో ఆసక్తిగా ఉన్నట్లు స్థానిక ట్రాన్స్‌పోర్టు డిప్యూటీ మేయర్‌ ఇసాబెల్‌ డెడ్‌రింగ్‌ స్కై న్యూస్‌కు తెలిపారు.
అయితే ఎంత వేగంతో కారును పరీక్షిస్తారో తెలియాల్సి ఉంది. అదే విధంగా లండన్‌ ట్రాఫిక్‌ నిబంధనలు సైతం డ్రైవర్‌ రహిత కారుకు అవరోధం కానున్నాయి.