కేంద్ర ఆరోగ్య, కుటుంబ సంక్షేమ శాఖ మంత్రి జేపీ నడ్డా మంగళ, బుధవారాల్లో నల్గొండ, వరంగల్‌ జిల్లాలో పర్యటించనున్నట్లు భాజపా జాతీయ కార్యవర్గ సభ్యుడు పేరాల శేఖర్‌రావు ఓ ప్రకటనలో తెలిపారు. మంగళవారం మంత్రి మునుగోడు నియోజకవర్గంలోని మర్రిగూడలో ఫ్లోరైడ్‌ బాధితుల కుటుంబాలను కలసి చర్చిస్తారు. అదే రోజు సాయంత్రం చౌటుప్పల్‌లో చేనేత కార్మికుల కుటుంబాలతో సమావేశమై రాత్రి యాదగిరిగుట్టలో బస చేస్తారు. బుధవారం ఆలేరులో వివిధ కులవృత్తుల వారితో సమావేశమై సమస్యలు తెలుసుకుంటారు.