మస్కట్‌: 25 మందికి పైగా వ్యక్తులు దేశంలోకి అక్రమంగా ప్రవేశించేందుకు ప్రయత్నిస్తుండగా అరెస్ట్‌ చేసినట్లు రాయల్‌ ఒమన్‌ పోలీస్‌ పేర్కొంది. ఈ మేరకు రాయల్‌ ఒమన్‌ పోలీస్‌ ఓ ప్రకటన విడుదల చేసింది. కోస్ట్‌గార్డ్‌ పోలీస్‌ కమాండ్‌ 27 మందిని అరెస్ట్‌ చేసినట్లు ఆ ప్రకటనలో పేర్కొన్నారు. అల్‌ సిఫాహ్‌ బీచ్‌ వద్ద ఓ స్మగ్లింగ్‌ బోటు ద్వారా నిందితులు దేశంలోకి చొరబడేందుకు ప్రయత్నించగా, వారిని అదుపులోకి తీసుకున్నారు. ఈ తరహా చొరబాట్లను నివారించేందుకోసం ప్రతి ఒక్కరూ ప్రభుత్వానికి సాయం చేయాలనీ, 9999 నంబర్‌కి ఫోన్‌ చేసి సమాచారం అందించవచ్చని అధికారులు సూచించారు.