నటుడు దగ్గుబాటి రానా ముఠామేస్త్రీ అయ్యారు. మంచు లక్ష్మి వ్యాఖ్యాతగా ప్రసారం కానున్న 'మేముసైతం' అనే కార్యక్రమం కోసం రానా బుధవారం కూలీగా మూటలు మోశారు. కూకట్‌పల్లిలోని రైతుబజార్‌లో నిర్వహించిన కార్యక్రమంలో పాల్గొని కూలీ గెటప్‌లో మూటలు మోశారు. ఈ సందర్భంగా మంచు లక్ష్మి తన ట్విట్టర్‌ ఖాతాలో రానాకు కృతజ్ఞతలు తెలుపుతూ ఓ ట్వీట్‌ చేశారు. దీనికి స్పందించిన రానా ఇంత మంచి కార్యక్రమాన్ని ప్రారంభించినందుకు ఆమెకు ప్రత్యేకంగా అభినందనలు తెలిపారు. ఇటీవల ఈ కార్యక్రమం కోసం నటి రకుల్‌ప్రీత్‌సింగ్‌ కూరగాయలు అమ్మిన విషయం తెలిసిందే.