వైస్‌ ప్రెసిడెంట్‌, ప్రైమ్‌ మినిస్టర్‌ ఆఫ్‌ యూఏఈ, రూలర్‌ ఆఫ్‌ దుబాయ్‌ షేక్‌ మహమ్మద్‌ బిన్‌ రషీద్‌ అల్‌ మక్తౌమ్‌, డ్రాగన్‌ మార్ట్‌ 2 సెకెండ్‌ ఎక్స్‌పాన్షన్‌ని దుబాయ్‌లో ప్రారంభించారు. క్రౌన్‌ ప్రిన్స్‌, దుబాయ్‌ డిప్యూటీ రూలర్‌ తదితర ప్రముఖులు ఈ కార్యక్రమానికి హాజరయ్యారు. 1 బిలియన్‌ దిర్హామ్‌లతో 1 మిలియన్‌ చదరపు అడుగుల విస్తీర్ణంతో ఈ ఎక్స్‌పాన్షన్‌ రూపొందించారు. చైనాలో ఉన్న అతి పెద్ద మాల్‌ తర్వాత, ఇతర దేశాల్లో ఉన్న రెండో అతి పెద్ద సెంటర్‌గా డ్రాగన్‌ మార్ట్‌ 2 అవతరించిందని నిర్వాహకులు తెలిపారు. 2 అంతస్తుల్లో 570 షాపులు, 520 కియోస్క్‌లు, 4,500 వాహనాల పార్కింగ్‌ సౌకర్యంతో ఉన్న ఈ మొత్తం మాల్‌ని షేక్‌ మహమ్మద్‌ తదితరులు పరిశీలించారు.