మస్కట్‌: విలాయత్‌ ఆఫ్‌ సలాలాలోని రేసత్‌ ల్యాండ్‌ఫిల్‌ వద్ద అగ్ని ప్రమాదం చోటు చేసుకుంది. ఫైర్‌ ఫైటింగ్‌ బృందాలు తక్షణం స్పందించడంతో మంటలు అదుపులోకి వచ్చాయి. దోఫార్‌ గవర్నరేట్‌ పరిధిలోని ఫైర్‌ ఫైటింగ్‌ బృందాలు సకాలో స్పందించాయని అధికారులు పేర్కొన్నారు. ఈ ఘటనలో ఎవరికీ ఎలాంటి గాయాలూ కాలేదు. కాగా, విలాయత్‌ ఆఫ్‌ సలాలాలోని అవ్‌కాద్‌ ఇండస్ట్రియల్‌ ఏరియాలోని కార్పెంటరీ వర్క్‌ షాప్‌లో అగ్ని ప్రమాదం జరగ్గా, అవ్‌కాద్‌ సివిల్‌ డిఫెన్స్‌ ఫైర్‌ ఫైటింగ్‌ బృందాలు వెంటనే అక్కడికి చేరుకని మంటల్ని అదుపు చేశాయని పిఎసిడిఎ మరో ప్రకటనలో వివరించింది.