దుబాయ్:ఓ 40 ఏళ్ల ఆఫ్రికన్..తప్పతాగి ఓ మహిళతో అసభ్యంగా ప్రవర్తించాడు. ఆమెను బలవంతంగా కౌగిలించుకొని వేధించాడు. దుబాయ్ పబ్లిక్ పార్కులో గత ఆగస్ట్ 25న ఈ ఘటన చోటు చేసుకుంది. అప్పట్లో అల్ రషిదియా పోలీసులు కేసు నమోదు చేసుకొని నిందితుడ్ని అదుపులోకి తీసుకున్నారు. ఆ కేసు ఇప్పుడు దుబాయ్ కోర్టులో విచారణకు వచ్చింది. విచారణ సందర్భంగా అఫ్రికన్ తన పట్ల ఎంత అసభ్యంగా ప్రవర్తించాడో..అతని చర్యల వల్ల తాను మానసికంగా ఎంత ఇబ్బంది పడిందో బాధితురాలు కోర్టుకు వివరించింది. తన భుజంపై చేయి వేసి బలవంతంగా కౌగిలించుకున్నాడని కోర్టుకు వివరించింది. ఆ సమయంలో అతను తప్పతాగి ఉన్నాడని తెలిపింది. ఓ పాకిస్తానీ కూడా నిందితుడు అరబ్బీ మహిళ పట్ల ఎంత దురుసుగా ప్రవర్తించాడో కోర్టుకు వాంగ్మూలం ఇచ్చాడు. అటు నిందితుడు కూడా బాధితురాలి భుజం పట్టుకొని లాగినట్లు, ఆమె భుజంపై తలవాల్చినట్లు దర్యాప్తు సమయంలో ఒప్పుకున్నట్లు పోలీసులు చెబుతున్నారు. ఇరువైపు వాదనల అనంతరం తదుపరి విచారణను నవంబర్ 22కి వాయిదా వేస్తున్నట్లు కోర్టు తెలిపింది.