దుబాయ్‌ మాల్‌లో ఓ వ్యక్తి మహిళలా వస్త్రధారణ చేసుకుని వచ్చిన ఘటనపై విచారణ జరిపిన న్యాయస్థానం 5,000 దిర్హామ్‌లు ఫైన్‌ విధించింది. బ్రిటిష్‌ వ్యక్తి ఒకరు ఈ చర్యకు పాల్పడడంతో పోలీసులు డిసెంబర్‌ 18న ఆయన్ను అదుపులోకి తీసుకున్నారు. అయితే ఇందులో నేరపూరిత ప్రవర్తన ఏమీ లేదని, బ్రిటన్‌లో తాను మామూలుగా ధరించే దుస్తులే ఇక్కడా ధరించానని నిందితుడు కోర్టులో తన వాదన వినిపించాడు. గతంలో తాను ఇదే డ్రెస్‌తో ఎయిర్‌పోర్ట్‌కి వెళ్ళానని అక్కడ ఇమ్మిగ్రేషన్‌ అధికారులెవరూ తనను అడ్డుకోలేదనీ, అలాగే డ్రెస్సింగ్‌ విషయమై తనకెవరూ ఎలాంటి సూచనలూ చేయలేదని నిందితుడు పేర్కొన్నాడు.