బహ్రెయిన్: క్యాపిటల్‌ గవర్నరేట్‌ పరిధిలో కోవిడ్‌ 19 నిబంధనల ఉల్లంఘన నేపథ్యంలో పలు రెస్టారెంట్లు, కేఫ్‌లను మూసివేసినట్లు హెల్త్‌ మినిస్ట్రీ పేర్కొంది. జనరల్‌ డైరెక్టరేట్‌ ఆఫ్‌ క్రిమినల్‌ ఇన్వెస్టిగేషన్‌ మరియు ఎవిడెన్స్‌ వెల్లడించిన వివరాల ప్రకారం, కరోనా వైరస్‌ వ్యాప్తిని అరికట్టేందుకు ఏర్పాటైన కో-ఆర్డినేటింగ్‌ కమిటీ సూచించిన నిబంధనల్ని ఉల్లంఘించిన దరిమిలా, ఆయా రెస్టారెంట్లు, కేఫ్‌లను మూసివేసినట్లు తెలుస్తోంది. ఎప్పటికప్పుడు ఉల్లంఘనలకు సంబంధించి తనిఖీలు జరుగుతాయని ఈ సందర్భంగా డైరెక్టర్‌ జనరల్‌ పేర్కొన్నారు.