అఖిల్‌ అక్కినేని హీరోగా బొమ్మరిల్లు భాస్కర్‌ దర్శకత్వంలో రూపొందుతోన్న చిత్రం 'మోస్ట్‌ ఎలిజిబుల్‌ బ్యాచ్‌లర్‌'. అల్లు అరవింద్‌ సమర్పణలో జీఏపిక్చర్స్‌ బ్యానర్‌పై బన్నీవాస్‌, వాసువర్మ ఈ చిత్రాన్ని నిర్మిస్తున్నారు. సోమవారం ఈ సినిమా ప్రీ టీజర్‌ను విడుదల చేశారు. "హాయ్‌.. ఐయామ్‌ హర్ష. ఒకబ్బాయి కెరీర్‌లో ఫిఫ్టీ పర్సెంట్‌ కెరీర్‌, ఫిప్టీ పర్సెంట్‌ మ్యారీడ్‌ లైఫ్‌ ఉంటుంది. కెరీర్‌ను సూపర్‌గా సెట్‌ చేశాను. ఈ మ్యారీడ్‌ లైఫే అయ్యయ్యో అంటూ ఒంటి కాలిపై నిలబడే" డైలాగ్‌తో అఖిల్‌ అక్కినేని ఆకట్టుకున్నారు. టీజర్‌ను అక్టోబర్‌ 25 ఉదయం 11 గంటల 40 నిమిషాలకు విడుదల చేస్తున్నట్లు ప్రకటించారు. పూజా హెగ్డే హీరోయిన్‌గా నటిస్తోంది. షూటింగ్‌ను పూర్తి చేసుకున్న ఈ చిత్రం నిర్మాణానంతర కార్యక్రమాలను జరుపుకుంటోంది. వచ్చే ఏడాది సంక్రాంతికి సినిమాను విడుదల చేయడానికి నిర్మాతలు సన్నాహాలు చేస్తున్నారు.