విజయ్ సేతుపతి కూతురిని రేప్ చేస్తామంటూ బెదిరింపులు..!
- October 20, 2020సోషల్ మీడియా వేదికగా ఆకతాయిలు చేస్తున్న కామెంట్స్ ఆందోళనకు గురి చేస్తున్నాయి. ఇటీవల ధోని కూతురిని రేప్ చేస్తామంటూ ఓ టీనేజర్ బెదిరింపులకి దిగడం అంతటా చర్చనీయాంశంగా మారింది. ఈ విషయం మరచిపోకముందే మరో ఆకతాయి తమిళ స్టార్ హీరో విజయ్ సేతుపతి కూతురిని రేప్ చేస్తానంటూ బెదిరింపులకి దిగాడు. దీనిపై నెటిజన్స్ తో పాటు పలువురు ప్రముఖులు మండిపడుతున్నారు.
శ్రీలంక లెజండరీ క్రికెటర్ ముత్తయ్య మురళీధరన్ బయోపిక్ '800' లో విజయ్ సేతుపతిని లీడ్ రోల్ కోసం ఎంపిక చేసిన సంగతి తెలిసిందే. దీనిపై అధికారిక ప్రకటన వచ్చిన తర్వాత అనేక వివాదాలు తలెత్తాయి. విజయ్ సేతుపతిని ఈ ప్రాజెక్ట్ నుండి తప్పుకోమ్మని తమిళులు హెచ్చరించారు. ఈ నేపథ్యంలో మురళీధరన్ స్వయంగా లేఖ విడుదల చేస్తూ నా వలన మీ కెరీర్ నాశనం చేసుకోవద్దు, దయచేసి ప్రాజెక్ట్ నుండి తప్పుకోవాలని విజయ్కు సూచించారు. వెంటనే దీనిపై స్పందించిన విజయ్ సేతుపతి తన ట్విట్టర్లో.. సినిమా నుండి వైదొలుగుతున్నట్టు ప్రకటించి ధన్యవాదాలు.. ఇక సెలవు అని పేర్కొన్నారు.
విజయ్ సేతుపతి 800 ప్రాజెక్ట్ నుండి తప్పుకున్నట్టు ప్రకటించిన కొద్ది సమయానికే ఆయన చిన్న కుమార్తెపై అత్యాచార బెదిరింపులకి దిగడం అందరిని అవాక్కయ్యేలా చేసింది. విజయ్ సేతుపతి.. నీ కుమార్తెపై అఘాయిత్యం చేస్తే, ఈలం తమిళుల బాధ ఎలా ఉంటుందో నీకు అర్ధమవుతుంది అని ట్విట్టర్లో ఓ నెటిజన్ బెదిరించాడు. ఈ ట్వీట్ని నెటిజన్స్తో పాటు పలువురు ప్రముఖులు ఖండిస్తున్నారు. సింగర్ చిన్నయి.. నెటిజన్ వ్యాఖ్యలపై ఆగ్రహం వ్యక్తం చేసింది. ఇలాంటి నీచమైన వ్యక్తులే సమాజంలో లైంగిక నేరాలకు పాల్పడుతున్నారు. అమ్మాయిలని బహిరంగంగా అత్యాచారం చేస్తానని బెదిరించిన వ్యక్తి కూడా నేరస్తుడే. ఇంత జరుగుతున్న చూస్తూ ఊరుకుంటున్నారంటే సిగ్గుచేటు' అంటూ అడయార్ డిప్యూటీ కమిషనర్, చెన్నై పోలీసులను ట్యాగ్ చేస్తూ ట్వీట్ చేసింది చిన్మయి.
తాజా వార్తలు
- అబుధాబిలో పెరియర్ వాటర్ సురక్షితమా?
- సౌదీ ప్రతినిధి బృందంతో సుప్రీంకోర్టు ఛైర్మన్ సమావేశం
- సౌదీ సివిల్ సర్వెంట్స్ కు కొత్త డ్రెస్ కోడ్..!
- నర్సింగ్ సిబ్బందికి స్పెషల్ అలవెన్స్
- ఇండియా కాదని చైనాలో పర్యటిస్తున్న ఎలాన్ మస్క్..కారణం ఏంటి?
- ‘సబా అల్-అహ్మద్’లో స్వల్ప భూకంపం
- వెదర్ అలెర్ట్.. మే 2న వర్షాలు
- 35కి చేరిన ఫుడ్ పాయిజన్ కేసులు
- వరల్డ్ ఎకనామిక్ ఫోరమ్కు సయ్యద్ థెయాజిన్
- హోలోగ్రామ్లుగా యూఏఈ ల్యాండ్మార్క్లు..!