వినియోగదారులు నగదు చెల్లింపులు చేయడంలో ఎక్కువగా ఇబ్బందులు ఎదురవుతున్నందున ఈ యాప్‌ను తాత్కాలికంగా యాప్ స్టోర్ నుంచి యాపిల్ తొలగించింది. గూగుల్ పే కోసం సెర్చ్ చేసిన వారికి ఆ యాప్ కాకుండా దానికి ప్రత్యామ్నాయంగా ఫోన్ పే, పేటీయం, భీమ్ యూపీఐ వంటి యాప్స్ ప్రస్తుతం కనబడుతున్నాయి. యాప్ స్టోర్ నుంచి గూగుల్ కనబడకుండా పోవడం ఇదే మొదటి సారి. ఈ సంవత్సరం ఆగస్టులో ప్లే స్టోర్ నుంచి ఆఫ్ లైన్‌కు గూగుల్ పే వెళ్లింది.

ఈ విషయంపై స్పందించిన గూగుల్ ప్రతినిధి ఒకరు దీన్ని సరిచేయడానికి తమ బృందాలు పనిచేస్తున్నాయని అన్నారు. వినియోగదారులకు కలిగిన అసౌకర్యానికి క్షమాపణలు తెలిపారు. అయితే ఆండ్రాయిడ్ వినియోగదారులకు ప్రస్తుతం ఎలాంటి అసౌకర్యం లేదు. ఈ యాప్ ఇప్పటికే ఇన్ స్టాల్ అయి ఉన్న ఐఫోన్లలో పని చేస్తూనే ఉంది. దాన్ని యాపిల్ అన్ ఇన్ స్టాల్ చేయలేదు. కానీ ప్రస్తుతం దాన్నుంచి అక్కడ లావాదేవీలు జరగట్లేదు. సమస్య పరిష్కారమయ్యేంత వరకు వేరే యాప్స్ వాడుకోవడమే.