మనామా:బహ్రెయిన్‌లో 1 మిలియన్‌ బహ్రెయినీ దినార్స్‌ విలువైన డ్రగ్స్‌ స్మగ్లింగ్‌ గుట్టుని రట్టు చేశారు యాంటీ నార్కోటిక్స్‌ పోలీస్‌ అధికారులు. డైరెక్టర్‌ జనరల్‌ ఆఫ్‌ క్రిమినల్‌ ఇన్వెస్టిగేషన్‌ అండ్‌ ఫోరెన్సిక్‌ సైన్స్‌ వెల్లడించిన వివరాల ప్రకారం నలుగురు వ్యక్తుల్ని రెండు వేర్వేరు ఘటనల్లో అరెస్ట్‌ చేసినట్లు తెలుస్తోంది. బహ్రెయిన్‌ ఇంటర్నేషనల్‌ ఎయిర్‌పోర్ట్‌ వద్ద కస్టవ్స్‌ు అధికారులు వీరిని అదుపులోకి తీసుకున్నారు. నిందితులు 24 నుంచి 40 ఏళ్ళ మధ్య వయసున్నవారు. ముగ్గురు ఆసియా జాతీయులు ఇందులో వున్నారు. నిందితుల గురించి పోలీసులకు సమాచారం అందడంతో పక్కా వ్యూహంతో వారిని అదుపులోకి తీసుకోవడం జరిగింది. 34 ఏళ్ళ వ్యక్తి 2.5 కిలోల నార్కోటిక్స్‌ని తరలిస్తూ తొలుత పట్టుబడ్డారు. 40 ఏళ్ళ వ్యక్తి నుంచి 3.5 కిలోగ్రాముల నార్కోటిక్‌ సబ్‌స్టాన్స్‌ని స్వాధీనం చేసుకున్నారు.