కువైట్ సిటీ:కువైట్‌లో కరోనా పాండమిక్‌ పరిస్థితి ప్రస్తుతానికి ప్రశాంతంగానే వుందనీ, సెకెండ్‌ వేవ్‌ ప్రమాదం పొంచి వున్నట్లు వస్తున్న వార్తల్లో నిజం లేదనీ, అవసరమైన అన్ని చర్యలూ తీసుకుంటున్నామని అధికారిక వర్గాలు వెల్లడించాయి. కాగా, ప్రపంచ వ్యాప్తంగా పలు దేశాల్లో సెకెండ్‌ వేవ్‌ వార్తలు వెలుగు చూస్తున్నాయి. తగ్గినట్టే తగ్గి ఆయా దేశాల్లో కరోనా కేసులు మళ్ళీ పెరుగుతున్నాయి. అయితే, కువైట్‌లో మాత్రం కరోనా కట్టడి కోసం కట్టుదిట్టమైన చర్యలు తీసుకుంటున్నారు. రోఉవారీ నమోదువతున్న కేసుల సంఖ్య స్థిరంగానే వుందని, పరిస్థితి పూర్తిగా అదుపులోనే వుందని అధికారులు పేర్కొన్నారు. అయితే, కరోనా పట్ల ఇంకా అప్రమత్తంగానే వుండాలనీ, ప్రజలు నిబంధనలు పాటించాలని అధికారులు సూచించారు.