రియాద్:  రియాద్‌లో జీసీసీ అంతర్గత వ్యవహారాల మంత్రుల అత్యవసర సమావేశం జరిగింది. ఇందులో ఒమన్ తరఫున అంతర్గత వ్యవహారాల మంత్రి సయ్యద్ హమూద్ బిన్ ఫైసల్ అల్ బుసైదీ పాల్గొన్నారు. 

రియాద్‌లోని జీసీసీ సెక్రటేరియట్ జనరల్ ప్రధాన కార్యాలయంలో జరిగిన ఈ సమావేశంలో తాజా భద్రతా పరిణామాలు, సభ్య దేశాల మధ్య ఉమ్మడి సమన్వయంపై చర్చించారు. ప్రస్తుత సవాళ్లను ఎదుర్కోవడంలో గల్ఫ్ భద్రతా సహకారాన్ని పెంపొందించడం, తద్వారా ఈ ప్రాంత భద్రత, స్థిరత్వానికి దోహదపడటంపై కూడా దృష్టి సారించారు.

జిసిసి దేశాల మధ్య భద్రతా సంస్థల మధ్య సమన్వయం, సమాచారం మరియు నైపుణ్యాన్ని పరస్పరం మరింత మెరుగ్గా పంచుకోవాలని నిర్ణయించారు.