యూఏఈ నేషనల్‌ సెంటర్‌ ఫర్‌ మెటియరాలజీ అండ్‌ సెస్మాలజీ, దేశంలోని పలు చోట్ల భారీ వర్షాలు కురుస్తాయనీ, ఈ కారణంగా విజిబులిటీ చాలా పూర్‌గా ఉంటుందనీ పేర్కొంది. ఇప్పటికే కురిసిన భారీ వర్షాలతో ఫుజైరా, రస్‌ అల్‌ ఖైమా, దుబాయ్‌ ప్రాంతాల్లో లోతట్టు ప్రాంతాలు జలమయమయ్యాయి. నేడు కూడా ఈ భారీ వర్షాలు కొనసాగుతాయి. భారీ వర్షాలు, దానికి తోడు పొగ మంచు కారణంగా రహదార్లపై వాహనాలు నడిపేవారు తగిన జాగ్రత్తలు తీసుకోవాలని పోలీసులు విజ్ఞప్తి చేశారు. అల్ప పీడనం కారణంగా ఈ భారీ వర్షాలు కురుస్తున్నాయనీ, గురువారం నాటికి అల్ప పీడన ప్రభావం తగ్గుతుందని అధికారులు చెప్పారు.