ఒమన్‌లో కురుస్తున్న వర్షాలు, ఆ కారణంగా పొంగిపొర్లుతున్న నీటితో రోడ్లపై ప్రమాదకర పరిస్థితులు పొంచి ఉన్నాయని పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) హెచ్చరించింది. రోడ్లపై నీరు ఎక్కువగా ప్రవహిస్తున్నప్పుడు ఎట్టి పరిస్థితుల్లోనూ దాన్ని దాటే ప్రయత్నం చేయరాదని సూచించింది. వాతావరణం మేఘావృతమై ఉండడం, వర్షాలు కురుస్తుండడంతో విజిబులిటీ తక్కువ ఉంటుందని పిఎసిడిఎ పేర్కొంది. మస్కట్‌, ముస్సాందమ్‌, అల్‌ బురైమి, అల్‌ దహిరా, నార్త్‌ మరియు సౌత్‌ అల్‌ బతినాహ్‌, అల్‌ దక్లియా, నార్త్‌ అండ్‌ సౌత్‌ అల్‌ షర్కియా తదితర ప్రాంతాల్లో మంగళవారం నుంచీ భారీ వర్షాలు కురుస్తున్నాయి. సున్నితమైన ప్రాంతాల్లో సిఎసిడిఎ రెస్క్యూ బృందాల్ని ఏర్పాటు చేసింది. లోతట్టు ప్రాంతాల్లోని ప్రజలు సురక్షిత ప్రాంతాలకు వెళ్ళాలని హెచ్చరికలు జారీ చేశారు.